Company image
Company image
Company image
Company image

Մեր մասին

«Արտաշատի պահածոների գործարան» ԲԲԸ–ն Հայաստանի առաջատար ու խոշոր ընկերություններից է սննդի արդյունաբերության ոլորտում։ Այն անդադար զարգացող ու ընդլայնվող ընկերություն է՝ այսօր արդեն տարեկան 40 միլիոն պահածո արտադրելու հնարավորությամբ և տարեցտարի ավելացող արտադրական ծավալներով: Ընկերության պատմությունը սկսվում է 1961 թվականից, երբ գործարկվեց սեփական փոքրիկ արտադրությունը։

Ի սկզբանե «Արտաշատի պահածոների գործարան»-ի առաքելությունն է տրամադրել միայն բարձրորակ սննդամթերք, որը կբարելավի մարդկանց կյանքի որակը: Ընկերությունը շուկայում ներկայացնում է Արտֆուդ, Ջանարատ և Լայք չեֆ ապրանքանիշերը՝ մարինադների, մուրաբաների, կոմպոտների, ջեմերի պահածոների և սոուսների տեսականիով, ինչպես նաև Ամառե, Նատուրա և Վիտամիքս ապրանքանիշերը՝ զանազան մրգային հյութերով:

«Արտաշատի պահածոների գործարան» ԲԲԸ–ն իր արտադրությունում օգտագործում է ԵԱՏՄ տարածքում միակ իտալական Cavalieri հոսքագիծ։ Բարձրորակ արտադրանքի ու միջազգային չափանիշներին համապատասխանելու համար ընկերությունը ստացել է 10-յակ մեդալներ ու պատվոգրեր:

  • Company desc icon
    Eco
    Էկոլոգիապես մաքուր հումք
  • Company desc icon
    23
    Արտահանվող երկիր
  • Company desc icon
    1000+
    Որակավորված մասնագետ
  • Company desc icon
    2000+
    Մատակարար
1961

Արտաշատ քաղաքում հիմնադրվեց «Արտաշատի պահածո» ԲԲԸ-ն միայն մեկ փոքրիկ արտադրամասով՝ տարեկան 100 տոննա պահածոյացված սնունդի արտադրությամբ։

1970
Կառուցվեցին տարեկան 20․000 տոննա լոլիկի և 4000 տոննա պտղի վերամշակման արտադրամասեր։
1982
Գործարանում տեղադրվեց վերամշակման հարավսլավական նոր հոսքագիծ, որը հնարավորություն տվեց գործարանին ընդունելու և վերամշակելու տարեկան շուրջ 40․000 տոննա լոլիկ:
1991
Կառուցվեց պտուղ-բանջարեղենային կիսապատրաստուկների ասեպտիկ եղանակով ժամանակավոր պահպանության 2000 տոննա տարողությամբ արտադրամաս։
1999
Ձեռք բերվեց ու շահագործման հանձնվեց իտալական “FBR-Elpo” ընկերության արտադրած տոմատի մածուկի ասեպտիկ պարկերի ու տակառների մեջ լցման հոսքագիծ, որն ունի ժամում 3500 կգ հզորություն:
2002

Ընկերությունում ներդրվեց որակի հսկողության միջազգային ստանդարտ ISO 9001 (2000):

2005
Ընկերությունն առաջինը Հայաստանում սկսեց կանաչ ոլոռի արտադրությունը, ներդրվեց հունգարական ժամանակակից հոսքագիծ:
2006

Շահագործման հանձնվեց տոմատի մածուկի արտադրության “FBR-Elpo” ընկերության արտադրած նոր իտալական հոսքագիծը:

2007
Գործածվեց “FBR-Elpo” ընկերության մրգային պյուրեների արտադրության համար նախատեսված հոսքագիծը, որի արտադրանքն ամբողջությամբ արտահանվում է:
2008
Արտադրության ծավալը կազմել է մոտ 6,8 հազար տոննա: Արտադրված արտադրանքի 65%-ը արտահանվել է ԱՊՀ և այլ երկրներ: Մեկ տարվա ընթացքում ընկերությունը գնել և վերամշակել է մոտ 40.000 տոննա գյուղատնտեսական հումք:
2010

Ընկերությունը սկսեց բարձրորակ հյութերի և նեկտարների արտադրություն։ Ապրանքներն արտադրվում են համաշխարհային ճանաչում ունեցող նորվեգական Elopak ընկերության կողմից արտադրված առաջատար Pure Pak փաթեթավորմամբ:

2018
Բացվեց նոր արտադրամաս։ Շահագործման հանձնվեց լոլիկի վերամշակման համար նախատեսված իտալական առաջատար Cavalieri սարքավորումը։
Պատմություն

    Նորություններ

    Բոլորը